ह्यारी पोटरमा आधारित क्याफे विरूद्ध वार्नर ब्रोसद्वारा मुद्दा दर्ता

एससीएमपी January 16, 2019

लोकप्रिय हलिवुड चलचित्र ह्यारी पोटरको थीममा सञ्चालित एउटा क्याफे विरूद्ध चलचित्र श्रृंखलाका निर्माता तथा वितरक वार्नर ब्रोस ईन्टरटेन्मेन्टले प्रतिलिपि अधिकार उल्लंघन गरेको मुद्दा दर्ता गराएको छ ।

कम्पनीले मोङ कोकस्थित ९ ३/४ क्याफे विरूद्ध मंगलबार हाई कोर्टमा मुद्दा दर्ता गरेको छ । क्षतिपूर्ति वापत कम्पनीले माग गरेको रकम खुलाईएको छैन । त्यसबाहेक रेस्टुरेन्टबाट ह्यारी पोटर थीम हटाउने तथा थुप्रै निषेधाज्ञाहरू पनि कम्पनीले माग गरेको छ ।

“ह्यारी पोटर”, “क्विड्डिच”, “मगल्स” साथै “प्रोफेसर म्याक्गोनागल्स म्याजिकल स्यालड” र “द डिमेन्टर्स किस” जस्ता चीनियाँ नाम तथा हङकङमा दर्ता गरिएका ट्रेडमार्कहरू उक्त क्याफेले प्रयोग गर्नु नै मुद्दाको विषय थियो । भित्तामा आधा भासिएको लग्गेज ट्रली, ग्रिफिन्डोरको चिन्ह र प्लेटफर्म ९ ३/४ को होग्वार्ट्स एक्स्प्रेस रेल टिकट जस्ता चलचित्रका लोकप्रिय सामग्रीरू क्याफेले प्रदर्शन गरेकोमा अमेरिकाको क्यालिफोर्नियास्थित कम्पनी वार्नर ब्रोसले आपत्ति जनाएको थियो ।

सूचीकृत प्रतिवादीहरूमा डीकेएजे लिमिटेड र त्यसका जना निर्देशकहरू : केल्भिन चिङ काई-लिम, चाङ चिउ-योङ, वान चिन-योङ र ल्योङ चिन-हेई रहेका छन् ।

सेप्टेम्बर १५, २०१७ मा “मगल्स” – वा जादु नभएका मानिसहरू – का लागि खुलेको उक्त सानो क्याफेको मेन्युमा जादुका छन्दहरू लेखिएका थिए । ती छन्दहरू जे. के. रोलिङले लेखेकी थिईन् । रोलिङ नै सर्वाधिक बिक्री भएको ह्यारी पोटर पुस्तक श्रृंखलाकी लेखक हुन् ।

क्याफेको फेसबुक पेजमा पोस्ट गरिएका फोटोहरूमा न्यानो बत्तीको सजावट, झाडु, जादुका छडी लगायत चलचित्रसँग सम्बन्धित सामग्री देख्न सकिन्छ ।

क्याफेका आगन्तुकहरूलाई “वार्नर ब्रोस ईन्टरटेन्मेन्ट ईंक, ह्यारी पोटर वा जे. के. रोलिङसँग ९ ३/४ क्याफेको कुनै सम्बन्ध नभएको” स्मरण गराईएको छ ।

तैपनि, क्याफेले “व्यापार तथा प्रतिलिपि अधिकारको उल्लंघन गर्नुका साथै चिन्हको दुरूपयोग गरेको” वार्नर ब्रोस ईन्टरटेन्मेन्टका वकिलहरूको निष्कर्ष छ । कम्पनीले हाल “९ ३/४ क्याफे उल्लेख गरिएका सबै ब्यानर, संकेत, साईनबोर्ड र प्रवर्द्धनात्मक सामग्री” हटाउन अदालतको आदेश लिन खोजीरहेको छ । ती सामग्रीहरू कम्पनीका वकिललाई बुझाउनु पर्नेछ वा नष्ट गर्नुपर्नेछ ।

क्षतिपूर्तिबाहेक क्याफेले अब उपरान्त कम्पनीको सम्पत्ति र वास्तविक कामको प्रयोग वा प्रदर्शन गर्न नपाउने गरी थुप्रै निषेधाज्ञा पनि माग गरेको छ ।