कोरोनाभाइरसः हङकङमा एकको मृत्यु
![](https://everestkhabar.com/wp-content/uploads/2018/09/813ADF0A-6693-4FF9-B5FA-CB4CC36CBAAA.jpeg)
![](https://everestkhabar.com/wp-content/uploads/2020/02/Screenshot-2020-02-04-at-12.17.55-PM.png)
फेब्रुअरी ४ । कोरोनाभाइरस संक्रमित विरामीको हङकङमा पहिलो पटक मृत्यु भएको छ । ३९ वर्षीय पुरुष विरामी, जसको प्रिन्स मार्गरेट अस्पताल क्वाइचुङमा उपचार भइरहेको थियो, को आज विहान मृत्यु भएको अनलाइन एससीएमपीले समाचार सम्प्रेषण गरेको छ ।
१३औं संक्रमितको रुपमा अस्पताल भर्ना गरिएका उनी जनवरी २१ का दिन वुहान गएका थिए र दुई दिनपछि एक्सप्रेस रेलबाट फर्किएका थिए । उनी ३१ जनवरीदेखि ज्वरोबाट पीडित थिए ।
आमासंग वाम्पो गार्डन बस्ने उनलाई क्वीन एलिजावेथ अस्पताल याउमाते भर्ना गरिए पनि कोरोनाभाइरस संक्रमण भएको प्रमाणित भएपछि उनलाई प्रिन्स मार्गरेट अस्पताल स्थानान्तरण गरिएको थियो ।
मृतकको आमा भ्रमणमा कतै नगए पनि पन्ध्रौं संक्रमितको रुपमा उनलाई फेब्रुअरी २ का दिन अस्पताल भर्ना गरिएको छ । यस सम्बन्धमा आज ४ः३० बजे अस्पताल प्राधिकरण र स्वास्थ्य बचाउ केन्द्रले संयुक्त प्रेस सम्मेलनमार्पmत जानकारी गराइने छ ।
कमेन्ट गर्नुहोस्
![](https://i0.wp.com/everestkhabar.com/wp-content/uploads/2018/08/Fruitful-Consultancy-1.gif?fit=1140%2C200&ssl=1)