कोरोनाभाइरसः हङकङमा दोश्रोको मृत्यु
![](https://everestkhabar.com/wp-content/uploads/2018/09/813ADF0A-6693-4FF9-B5FA-CB4CC36CBAAA.jpeg)
![](https://everestkhabar.com/wp-content/uploads/2020/02/https___cdn.cnn_.com_cnnnext_dam_assets_200108214800-coronavirus.jpg)
फेब्रुअरी १९ । हङकङमा कोरोनाभाइरस संक्रमित दोश्रो विरामीको मृत्यु भएको छ । मधुमेह तथा मृगौला पीडित ७० वर्षीय विरामीको आज बुधबार बिहान मृत्यु भएको प्रिन्स मार्गरेट अस्पतालले जनाएको छ ।
एक्लै क्वाइचुङमा बस्ने उक्त व्यक्ति जनवरी २२ का दिन एक दिने भ्रमणका लागि लोकमाचाउ नाकाबाट चीन गएका थिए । फेब्रअरी २ का दिन अस्वस्थ भएपछि अस्पताल भर्ना भएका उनलाई दश दिनपछि प्रिन्स मार्गरेट अस्पताल पठाइएको थियो । फेब्रुअरी १४ का दिन उनलाई कोरोना भाइरस संक्रमण भएको पत्ता लागेको थियो ।
हङकङमा कोरोनाभाइरसबाट मृत्यु हुने पहिलो व्यक्ति पनि मधुमेह पीडित रहेका थिए । फेब्रुअरी ४ का दिन ३९ वर्षको उमेरमा उनको मृत्यु भएको थियो ।
कमेन्ट गर्नुहोस्
![](https://i0.wp.com/everestkhabar.com/wp-content/uploads/2018/08/Fruitful-Consultancy-1.gif?fit=1140%2C200&ssl=1)