कोभिड–१९ विरुद्धको खोप अर्को सातादेखि
![](https://everestkhabar.com/wp-content/uploads/2018/09/813ADF0A-6693-4FF9-B5FA-CB4CC36CBAAA.jpeg)
![](https://everestkhabar.com/wp-content/uploads/2021/02/20210218204605837.jpg)
फेब्रुअरी १९ । कोरोनाभाइरस (कोभिड–१९) विरुद्ध खोप कार्यक्रम आगामी सातादेखि शुरु हुने भएको छ । चीनमा निर्मित खोप साइनोभ्याकको १० लाख खुराक आज आइपुग्ने भएपछि सरकारले उक्त घोषणा गरेको हो ।
सरकारी घोषणा अनुसार ६० वर्ष भन्दा बढी उमेरका, चिकित्सा क्षेत्रका कर्मचारी, वृद्धा–अशक्त हेरचाह गृहमा रहने र कर्मचारी, अत्यावाश्यक सामुदायिक सेवामा कार्यरत, बाह्य यातायात क्षेत्रका कर्मचारीलाई प्राथमिकताकासाथ पहिलो चरणमा खोप लगाइने छ । ७० वर्ष भन्दा माथिकालाई खोप लगाउँदा सहयोगीको आवश्यक पर्ने छ ।
२६ फेब्रुअरीदेखि शुरु हुने कार्यक्रमका लागि २३ तारिकदेखि अनलाइन बुकिङ गर्न सकिने छ । १८ जिल्लाका २९ वटा खोप केन्द्रबाट बिहान ८ बजेदेखि साँझ ८ बजेसम्म खोप लगाउन सकिने तय गरिएको छ ।
हङकङ सिनोभ्याक बाहेक जर्मनीमा बनेको बायोटेक र बेलायतको एस्ट्राजेनेका खोप पनि ल्याउने योजनामा रहेको छ । बायोटेकको खोप यही महिनाको अन्तसम्ममा आइपुग्ने आशा गरिएको छ ।
कमेन्ट गर्नुहोस्
![](https://i0.wp.com/everestkhabar.com/wp-content/uploads/2018/08/Fruitful-Consultancy-1.gif?fit=1140%2C200&ssl=1)