सहुलियत दरको विद्युत योजना : ४० हजारभन्दा बढी गरिब परिवार लाभान्वित हुने

एभरेष्टखबर August 3, 2018

शहरको एउटा प्रमुख उर्जा कम्पनीले शुरु गरेको योजना अन्तर्गत ४० हजार गरिब परिवारले, यीमध्ये एक चौथाई सबडिभाईडेड फ्ल्याटमा बस्दछन्, आउने वर्षदेखि प्रयोग गरेको बिजुलीका लागि कम शुल्क तिर्न सक्नेछन् ।

पहिलो वर्ष ७० करोड हङकङ डलर खर्च हुने उक्त अभियान सिएलपि पावरको कम्युनिटी इनर्जी सेभिङ फन्ड अन्तर्गत शुरु गरिएको एउटा कार्यक्रमकोम अंश हो । शहरको दुर्ई उर्जा कम्पनी नियमन गर्ने १५ वर्षे स्किम अफ कन्ट्रोन एग्रिमेन्ट अन्तर्गत जनाईएका प्रतिबद्धता अनुसार यो कार्यक्रम सन् २०१९ देखि सञ्चालन हुनेछ । ग्राहकहरूलाई उर्जा बचन गर्न सहयोग गरेवापत सरकारले सिएलपिलाई दिएको प्रोत्साहन राशीको ६५ प्रतिशतबाट उक्त लगानी जुटाईनेछ ।

उक्त सम्झौता यो अक्टोबरदेखि लागु हुनेछ । कार्यक्रम अन्तर्गत, सिएलपिले काउलुन र न्यु टेरिटोरिजका गरिब परिवारलाई ५०० हङकङ डलर बराबरको वार्षिक सहुलियत प्रदान गर्नेछ । आवश्यकतामा रहेका घरधुरी पहिचान गर्न उर्जा कम्पनीले गैरसरकारी संस्थाहरूसँग
काम गर्नेछ ।

“उचित उम्मेदवार पत्ता लगाउन हामी विभिन्न गैरसरकारी संस्थाहरूसँग काम गर्नेछौं,” सिएलपिका प्रबन्ध निर्देशक चियाङ तुङ–क्योङले बताए ।

व्यक्तिगत बिजुली मिटर जडान लगायत सबडिभाईडेड फ्ल्याटमा बस्नेहरूलाई सहयोग गर्न सिएलपिले करिब १ करोड हङकङ डलर छुट्याउनेछ । उक्त लगानीले उर्जा उपभोग न्युनिकरण गर्न गरिब परिवारलाई सहुलियत प्रदान गर्नेबाहेक, पुरस्कार प्रोत्साहनले विद्युत बचन गर्न ग्राहकलाई प्रोत्साहन गर्ने र व्यावसायिक ग्राहकहरूलाई उर्जा प्रभावकारी विद्युतीय उपकरणमा स्तरोन्नती गर्न सहुलियत दिने लगायतका उपायहरूलाई सहयोग गर्नेछ । अभियानको थप विवरण यो वर्षको चौथो त्रैमासिकमा घोषणा गरिनेछ ।

बेग्लै सन्दर्भमा, अघिल्लो महिना शुरु भएको नविकरणनीय उर्जा फिड–इन टेरिफ योजनाका लागि हालसम्म १ सय ३० वटा आवेदश पाएको चियाङले बताए । एक–तिहाई आवेदन गाउँमा बसोबास गर्नेहरूले पठाएका छन् । बाँकी आवेदनहरू औद्योगिक भवन, विद्यालयहरू र गैरसरकारी संस्थाबाट आएका छन् ।

योजना अन्तर्गत, नविकरणीय उर्जा सेवा, जस्तै छानामा राख्ने सोलार प्यानल वा वायु प्रणाली जडान गर्ने परिवार र व्यवसायले सफा विद्युतलाई शहरको पावर ग्रिडमा बजार मुल्यभन्दा बढी दरमा बिक्री गर्न सक्नेछन् । क्षमताको आधारमा प्रति युटि ३ देखि ५ हङकङ डलरभन्दा बढी हुनेछ ।

वातावरण सचिव वोङ काम–सिङले “समाजले योजनाप्रति सकारात्मक प्रतिक्रिया दिएको” बताए र योजनाका कारण वृद्धि भएको आम्दानीका लागि बासिन्दाहरूले करको भार उठाउन नपर्ने विश्वास व्यक्त गरे ।

नविकरणीय उर्जा प्रमाणपत्रको बिक्रीबारे प्रश्न गर्दा, योजनामा बढीभन्दा बढी स्थानीयलाई सहभागी गराउन प्रोत्साहन गर्नु सरकारको लागि पहिलो कदम भएको वोङले बताए र व्यवसायलाई प्रमाणपत्र बिक्री गर्न प्रयोगकर्ताका लागि विवरण पछि सार्वजनिक गरिनेछ ।

-क्यारेन झाङ