फरक आयामको सरसफाइ अभियान
![](https://everestkhabar.com/wp-content/uploads/2018/09/813ADF0A-6693-4FF9-B5FA-CB4CC36CBAAA.jpeg)
![](https://everestkhabar.com/wp-content/uploads/2019/07/66769731_670957073377558_1262114468217749504_n.jpg)
१८ जुलाई । फरक आयामले इलाममा सरसफाइ अभियान शुरु गरेको छ । ओपिधारादेखि भालुढुङ्गासम्मको सरसफाइ अभियानको उद्घाटन गत शनिबार उद्योग वाणिज्य संघ इलामका अध्यक्ष ईश्वर चिपालुले गरेका थिए ।
‘सफा पर्यावरण, पर्यटनको आधार’ नारासहितको यो अभियानले हरेक महिना सरसफाइ गर्नेछ । पर्यटकीय स्थल भालुढुङ्गाको प्रबद्र्धनका लागि हरि गुरुङको अध्यक्षतामा एक समिति समेत गठन गरिएको छ ।
पहिलो कार्यक्रममा तीन बोरा प्लाष्टिक टिपिएको कुरा आयोजक फरक आयामका अर्जुन योङ्हाङले बताएका छन् । कार्यक्रममा समितिका वाणिज्य संघका वरिष्ठ उपाध्यक्ष कृष्ण पौडेल, समितिका उपाध्यक्ष प्रकाश थाम्सुहाङलगायतको सहभागिता रहेको थियो ।
कार्यक्रममा उपस्थित कवि हाङयुग अज्ञातले ठाउँठाउँमा फोहर फ्याँक्ने भाँडो र सूचना टाँस्नु जरुरी रहेको सुझाएका थिए । संघका अध्यक्ष चिपालुले सुझावको विषयलाई सम्बन्धित निकायमा राख्ने बताएका थिए ।
कमेन्ट गर्नुहोस्
![](https://i0.wp.com/everestkhabar.com/wp-content/uploads/2018/08/Fruitful-Consultancy-1.gif?fit=1140%2C200&ssl=1)