• पत्रकारको हातेसाङ्लो प्रदर्शनी

    मिडिया काउन्सिल विधेयक खारेजको माग गर्दै नेपाल पत्रकार महासङ्घद्वारा शनिवार बबरमहलदेखि माइटीघरसम्म आयोजित मानवसाङलोमा मन्तव्य राख्दै महासङ्घका अध्यक्ष गोविन्द आचार्य । तस्वीर: रत्न श्रेष्ठ
  •  

    पाल पत्रकार महाङ्घले सरकारले संसद्मा पेश गरेको मिडिया काउन्सिल विधेयकको विरोधमा आज ‘हातेसाङ्लो प्रर्दशन गरेको छ ।

    बबरमहलमा दिउँसो ३ बजेदेखि ४ घण्टासम्म हातेसाङ्लो प्रर्दशन गरेको थियो । प्रदर्शनमा विभिन्न सञ्चारमाध्यमका पत्रकार सहभागिता रहेको थियो । सबै पत्रकारले हातहात जोडेर प्रदर्शन गरेका थिए । प्रदर्शनमा ‘प्रेस स्वतन्त्रताको ग्यारेन्टी गर’, ‘मिडिया काउन्सिल विधेयक खारेज गर’, ‘प्रेस स्वतन्त्रताको सम्मान गर’, ‘संविधानको प्रस्तावको सम्मान गर’ जस्ता लेखिएका प्लेकार्ड बोकेका थिए ।

    प्रदर्शनमा आयोजित सभामा महासङ्घका अध्यक्ष गोविन्द आचार्यले संविधानले प्रदत्त गरेको स्वतन्त्रता हनन हुने गरी विधेयक ल्याइएकाले खारेज वा संशोधन गर्नुपर्ने बताउनुभयो । उहाँले विधेयकको संशोधनका लागि महासङ्घले राखेका १६ बुँदालाई सम्बोधन गर्नुपर्ने भन्दै विधेयक संशोधन वा फिर्ता नभए सरकारविरुद्ध थप सडक आन्दोलन गर्ने बताउनुभयो ।

    प्रदर्शनीमा महासङ्घका पूर्वअध्यक्ष धर्मेन्द्र झा, डा सुरेश आचार्य, कान्तिपुर दैनिकका प्रधानसम्पादक नारायण वाग्ले, नागरिक दैनिकका प्रधानसम्पादक गुणराज लुइँटेल, देशसञ्चार डटकमका प्रधानसम्पादक युवराज घिमिरेले प्रेस स्वतन्त्रता विरोधी विधेयक रहेकाले संशोधन गर्नुपर्ने बताउनुभयो ।

    उहाँहरुले विधेयकमा रहेको कतिपय कुराले सूचनाको हकलाई पनि निस्तेज पार्न खोजिएकाले संशोधन गर्नुपर्ने बताउनुभयो । विधेयकको विरुद्धमा महासङ्घ आन्दोलन गर्दै आइरहेको छ ।

  • कमेन्ट गर्नुहोस्

  • Skip this ad