• टिप्स एण्ड ट्रिक्स

  •  

    हङकङको हाइकिङ र ट्रेलका बारेमा लामो अनुभव सँगालेका भूतपूर्व ब्रिटिस गोर्खा सैनिक तुलसीकुमार गुरूङको अगुवाइमा चार वर्षअघि शुरू भएको ‘हाईक फर नेपाल’ कार्यक्रमले हङकङमा नेपालको प्रचारसँगै नेपालीहरूमा हाइकिङबारे चेतना फैलाउने काम गरिरहेको छ । हङकङको व्यस्त जीवनशैलीमा स्वास्थ्यको लागि अपरिहार्य बन्दै गएको हाइकिङ जति सहज र सरल देखिन्छ उत्तिकै जोखिम पनि छ । असावधानीका कारण हुने दुर्घटनामा हाइकरको ज्यानै जानेसम्मका घटना भएका छन् ।

    गुरूङ सेनामा रहँदा सिनियर एड्भेन्चर तथा फिजिकल ट्रेनिङ इन्स्ट्रक्टर हुनुहुन्थ्यो । तेक्वान्दो खेलका हङकङ सरकारका पूर्वप्रशिक्षक रहिसक्नुभएका गुरूङ तेक्वान्दो खेलका प्रमुख ग्राण्ड मास्टर तथा हङकङ नेपाली तेक्वान्दो एशोसिएसनका प्रेसिडेण्ट हुनुहुन्छ । वि विल राइज फाउण्डेशनका संस्थापक उहाँ सामाजिक सेवामा पनि उत्तिकै सक्रिय हुनुहुन्छ ।

    हङकङका हाइकिङ रुट र अपनाउनुपर्ने सावधानीबारे गुरुङका केही टिप्स:

    हङकङका नेपालीहरू स्वास्थ्यको विषयमा सचेत बनिरहेका छन् । त्यसैले पनि धेरैजना हाइकिङमा निस्किरहेका छन् । हाइकिङलाई मैले विशेषगरी ३ भागमा बाँडेको छु ।

    हाइकिङ  अघि

    हङकङमा धेरै हाइकिङ रुटहरू छन् । त्यसमध्ये मुख्य रुट ४ वटा छन् । त्यसमा मेक्लेहोस ट्रेल १०० किलोमिटर छ । विल्सन ट्रेल ७८ किलोमिटर छ । त्यसैगरी लान्ताउ ट्रेल पनि लामो ट्रेल हो र हङकङ ट्रेल ५० किलोमिटर छ । यसबाहेक अन्य पनि धेरै छन् । साउथ हङकङमा माउन्ट क्यामरुन, माउन्ट जोनसोन लगायत छन् । लान्ताउ, काउलान, युनलङ एरियामा पनि थुप्रै छन् ।

    तस्वीरहरू: डम्बरकृष्ण श्रेष्ठ

    हाइकिङ अघि सबैभन्दा महत्वपूर्ण हामी कहाँ जाने, कुन रुट जाने र हाम्रो स्ट्याण्डर्ड कत्तिको छ त्यो अनुसार प्लान गर्नु पर्छ । बेलुका राम्रोसँग सुतेर बिहान उठ्दा फ्रेस हुनुपर्‍यो ।

    जाँदाखेरी पानी र स्न्याक्सहरू बोक्न बिर्सनु हुँदैन । विशेषगरी तुरुन्त शक्ति दिने साना–साना चक्लेटहरू, स्याउ लिएर हिंड्नुपर्छ । पानी चाहिं एकदमै महत्वपूर्ण हो, लानै पर्छ ।

    हाइकिङ गर्दाको समय

    हाइकिङ गर्दा कारणवश केही भइहालेमा के गर्ने भन्ने प्लान हुनुपर्छ । हिंड्दाहिंड्दै घाइते भइयो भने कुन बाटो जाने भनेर प्लान चेन्ज गर्नुपर्छ । त्यसैले पहिल्यै रुट १, रुट २, रुट ३ को प्लान गर्नुपर्छ ।

    यदि हाइकिङ गरेको समयमा कुनै साथीभाई बिरामी भयो भने कसरी तुरुन्त रेस्क्यु गर्ने भन्ने याद गर्नुपर्छ ।

    पानी पर्दा बाटो अलि चिप्लो हुन्छ । त्यसमा जोगिनु पर्छ ।

    ठाउँ ठाउँमा रेस्ट गर्ने, पानी पिउने गर्नुपर्छ । शुरूमा हिंड्नेहरूले ४ देखि ५ किलोमिटर हिंडेर विस्तारै बढाउँदै लानु राम्रो हुन्छ । आफ्नो फिटनेश स्ट्याण्डर्ड अनुसार दुरी बढाउनु पर्छ ।

    हाइकिङ  पछि

    हाइक गरिसकेपछि अवश्य नै थकित भइन्छ । आफ्नो फिजिकल लेभल नर्मलमा ल्याउन धेरैजसोले थाकेको बेला वियर पिउने र अरु के के पिउने गरेको देखिन्छ । त्यो चाहिं एकदमै नराम्रो हो । किनभने तपाईंको पसिना जति गयो त्यसको रिप्लेस पानीले मात्र गर्छ ।

    हाइकिङपछि फ्लेक्जिबिलिटी एक्सरसाइज गर्दा मसल्सको रेन्ज अफ मुभमेन्ट एकदमै राम्रो हुन्छ । यसमा स्ट्रेचिङ गर्दा दिनभर हिंडेर टाइट भएको मसल्स ब्यालेन्स हुन्छ । वार्मअप, एक्सरसाईज र वार्मडाउन गर्नु एकदमै जरुरी छ ।

  • कमेन्ट गर्नुहोस्