तमु ट्होको दशौं अधिवेशन सम्पन्न
![](https://everestkhabar.com/wp-content/uploads/2018/09/813ADF0A-6693-4FF9-B5FA-CB4CC36CBAAA.jpeg)
![](https://everestkhabar.com/wp-content/uploads/2021/09/Tamu-Tho.jpg)
सेप्टेम्बर ५ । तमु ट्हो ह्युलको दशौं अधिवेशनले विजयकुमार गुरुङलाई पुन अध्यक्षमा निर्वाचित गरेको छ । कार्यसमितिको सहकोषाध्यक्ष र चार सदस्यबाहेक १२ जना सर्वसम्मत चयन भएका छन् ।
नयाँ कार्यसमितिको उपाध्यक्ष, सचिव, सहसचिव, कोषाध्यक्ष र प्रवक्तामा क्रमशः इश्वर गुरुङ, पदमबहादुर गुरुङ, देवीकुमारी गुरुङ, गीता गुरुङ र सन्तोष गुरुङ रहेका छन् । गणेशबहादुर गुरुङ, बुद्धिप्रसाद गुरुङ, पार्वती गुरुङ, रामप्रसाद गुरुङ, माया गुरुङ र मन्जु गुरुङ सदस्यमा चयन भएका छन् ।
अध्यक्ष विजयकुमार गुरुङका अनुसार सहकोषाध्यक्ष र बाँकी सदस्य कार्यसमितिको पहिलो बैठकले मनोनित गर्ने छ । इन्डिया क्लवमा सम्पन्न अधिवेशन नेपाली महावाणिज्यदूत उदयबहादुर रानामगरले उद्घाटन गरेका थिए ।
उद्घाटन सत्रमा प्रमुख अतिथि महावाणिज्यदूत रानामगर, हङकङ नेपाली महासंघका अध्यक्ष टंक राना, नेपाली आदिवासी जनजाति महासंघका अध्यक्ष किसन राई, तमु प्ये ल्हु संघका अध्यक्ष मनबहादुर गुरुङ र संस्थाको महिला विभाग प्रमुख कविता गुरुङले शुभकामना मन्तव्य व्यक्त गरेका थिए ।
कमेन्ट गर्नुहोस्
![](https://i0.wp.com/everestkhabar.com/wp-content/uploads/2018/08/Fruitful-Consultancy-1.gif?fit=1140%2C200&ssl=1)