‘संविधान संशोधन नभए आन्दोलन’

रासस June 5, 2019

समाजवादी पार्टी नेपालका अध्यक्ष एवम् उपप्रधानमन्त्री उपेन्द्र यादवले संविधान संशोधन नभए सङ्घर्षमा जाने बताउनुभएको छ ।

समाजवादी पार्टीले आज यहाँ आयोजना गरेको प्रादेशिक अभिमुखीकरण कार्यक्रमा स्वास्थ्य तथा जनसङ्ख्यामन्त्री समेत रहनुभएका यादवले संविधान संशोधनकै लागि सघाउन आफूहरु सरकारमा सामेल भएको स्पष्ट पार्नुभयो ।

उहाँले आफ्नो पार्टीले राखेका माग पूरा गर्नेतर्फ पहल नगरे सरकारबाट बाहिरिएर सदन र सडक सङ्घर्षमा जानुको विकल्प नरहेको बताउनुभयो । पार्टीका सङ्घीय परिषद् अध्यक्ष एवं पूर्वप्रधानमन्त्री डा बाबुराम भट्टराईले सरकारले सङ्घीयताको सही ढङ्गबाट प्रयोग गर्न नसकेको आरोप लगाउनुभयो । उहाँले वर्तमान सङ्घीय प्रणाली अवैज्ञानिक रहेको जिकिर गर्नुभयो ।

नयाँ शक्ति पार्टी र सङ्घीय समाजवादी फोरमको एकीकरणपछि बनेको समाजवादी पार्टीले आज यहाँ पहिलो पटक प्रदेशस्तरीय अभिमुखीकरण कार्यक्रम आयोजना गरेको हो ।